معلومات عن الاقسام فى اكادميه القاهره الجديده هندسه

السلام عليكم ورحمه الله وبركاته

هذا الموضوع لعدادى هندسه

كهرباء

1-هذا القسم من احسن الاقسام واصعبهم و من المجالات اللى مجال شغلها واسع جدا
2.و مواضيع دراستها تتلخص فى كل ما يخص الكهرباء و قليل من الالكترونيات.... يعنى لو مش فاهم رياضه وفيزيا او حاسس انها تقيلة على قلبك.... اياك تدخل قسم كهرباء يااما للاسف ممكن ماتطلعش منه..!!! لازم ان تكون بتحب رياضيات وفيزياء ولازم تكون دماغك شغاله اوى لان الكهرباء معظمها رياضيات وفيزياء
3.حيكون نطاق عملك فى كل حاجة و اي شركة هندسية حتكون فيها مهندس كهرباء

اتصالات

1. لو حابب اتصالات و عايز تتدخلها و عندك حد يشغلك برة مصر....تبقى عبيط لو مدخلتهاش..... اما لو حتفضل جوا مصر فلازم تعرف ان مجال اتصالات ضيق للغاية و يكاد يكون منحصر فى شركات الاتصالات و المحمول و البترول فقط.... وشوف بقى كام الف مهندس اتصالات بيتخرج...

2. مواد اتصالات تشبة مواد كهرباء اوى لان اتصالات جزء من كهرباء اصلا ...

3. اغلب مهندسين الاتصالات فى مصر بيشتغلوا فى الاخر يا اما مهندسين كهرباء او مهندسين كومبيوتر .... طيب ما تدخل كهرباء او كومبيوتر من الاول و لخص....

4. و ينقسم القسم الى حاسبات و الكترونيات

عمارة

1. قسم عمارة دة بقى قسم البنات او الاولاد اللى بيحبوا يقعدوا وسط البنات...!!!! او المواهب طبعا...

2. القسم دة بنسميه تجارة هندسة علشان محدش بيسقط فية ولا حتى بيشيل مادة..... دة اللى بيجيب جيد....جيييد... بيعيط..!!!! ودة ميزة للى عايز ينجز و يخلص.

3. طبعا القسم دة المذاكرة فية قليلة خالص بس المجهود البدنى فية عالى جدا... يعنى لو كنتى بتاعة بابى و مامى ونونو.. متفكريش فى القسم دة خالص

4. يعنى ممكن ايام المشاريع تقعدى شغالة مثلا لغاية 12 ليلافى الكلية

5. لو عندك حس فنى و قدرة على الابتكار ادخل القسم دة على طوول... و لو عايز تدخلوا منظرة او علشان تفرح بالمسطرة اللى حتكون اطول منك ...بلاش.. مش حتسقط حتنجح برضة و حتجيب جيد.... بس حتتخرج من الكلية علشان تقف على "عمارة" تحرسها -بواب يعنى-

6. عيب القسم دة انه مجال عمله لا يسمح بوجود انصاف المواهب... يعنى لو عندك موهبة حتطلع تشتغل فى احسن الاماكن و بمرتبات خرافية.. بس لو موهبتك عادية حتشتغل بقرشين....

8. مواد القسم اغلبها رسم و مواد من قسم مدنى وهى مواد تتعلق بخصائص المواد و الانشائات و المساحة وحاجات بسيطة و لذيذة

9-القسم ده حلو يعنى مش صعب للى بيحبو الرسم ده حلو لطلاب الصنايع والنظري بتاعه قليل جدا بس لازم تشغيل دماغ هوه ده الى صعب فيه

مدنى

2. القسم دة بقى جمع المعادلة الصعبة ومسك العصاية من النص...يعنى لا هوة صعب قوي زي كهرباء ولا هوة سهل اوى زى عمارة.....لا مجال عمله واسع اوى زى كهرباء و لا ضيق زى عمارة...و دى ميزة للى بيحب المعقول

3. القسم دة مشكلتوا ان تسليم الشيتات بيكون تقريبا اسبوعى طول السنة

4. و المواد فية كلها بقى خرسانة و طبيعة مواد و سدود و سكك حديد و مساحة و هندسة انشائية....

5. الفرق بين المهندس المعماري و المدنى ان الاول بيرسم و التانى بينفذ .... يعنى الاثنين بيسلموا لبعض

6.مجال شغلة مش بطال بس فية سنة بهدلة شوية

7. واللى نفسة يبنى عمارات و سدود و كباري و انفاق يدخل مدنى على طوول

مع تحيات

BAHAA OSMAN

اولا الشكر لله
ثانيا انا عارف انى عماره فيها حجات صعبه جدا
ثالثا ده هندسه لازم اى قسم فيها يكون صعب